കേരള നിയമസഭാ അന്താരാഷ്‌ട്ര പുസ്തകോത്സവം മൂന്നാം പതിപ്പിൻെറ ഭാഗമായി സ്‌കൂൾ, കോളേജ് വിദ്യാർത്ഥികൾക്കായി ക്വിസ് മത്സരം സംഘടിപ്പിക്കുന്നു.

മത്സരത്തിൽ ഒരു സ്‌കൂളിൽ (ഹൈസ്‌കൂൾ-ഹയർസെക്കണ്ടറി) / ഒരു കോളേജിൽ (ബിരുദ-ബിരുദാനന്തര വിദ്യാർഥികൾ) നിന്നും പരമാവധി രണ്ട് ടീമുകൾക്ക് (ഒരു ടീമിൽ രണ്ട് മത്സരാർത്ഥികൾ) പങ്കെടുക്കാവുന്നതാണ്.

രജിസ്‌ട്രേഷൻ സ്‌കൂൾ/ കോളേജ് മുഖേന നടത്തേണ്ടതാണ് .

സ്കൂൾ കോളേജ് വിദ്യാര്‍ത്ഥികൾക്കായുള്ള പ്രാഥമിക മത്സരങ്ങൾ 5 മേഖലാ അടിസ്ഥാനത്തിലും സെമി ഫൈനല്‍, ഫെെനൽ മത്സരങ്ങൾ നിയമസഭാ മന്ദിരത്തിൽ വച്ചും സംഘടിപ്പിക്കുന്നതാണ്.

രജിസ്‌ട്രേഷൻ നടപടികൾ www.klibf.niyamasabha.org മുഖേന പൂർത്തിയാക്കേണ്ടതാണ്.

മേഖലാ അടിസ്ഥാനത്തില്‍ നടത്തുന്ന പ്രാഥമിക മത്സരത്തിന്റെ ഒന്നാം റൗണ്ട് എഴുത്തു പരീക്ഷയിൽ നിന്നും തെരഞ്ഞെടുക്കുന്ന 6 ടീമുകൾക്കായി രണ്ടാം റൗണ്ട് മത്സരങ്ങൾ സംഘടിപ്പിക്കുന്നതും ആയതിൽ ആദ്യ സ്ഥാനങ്ങളിൽ എത്തുന്ന 3 ടീമുകൾ സെമിഫൈനലിലേക്ക് തെരഞ്ഞെടുക്കപ്പെടുന്നതുമാണ്.

മേഖലാതല പ്രാഥമിക മത്സരങ്ങളിൽ സ്‌കൂൾ വിദ്യാർത്ഥികൾ രാവിലെ 10 മണിക്ക് മുൻപും കോളേജ് വിദ്യാർത്ഥികൾ ഉച്ചയ്ക്ക് 1.30 മണിക്ക് മുൻപും റിപ്പോർട്ട് ചെയ്യേണ്ടതാണ്. റിപ്പോർട്ടിംഗ് സമയത്തിന് ശേഷം എത്തുന്ന ടീമുകളെ മത്സരത്തിൽ പങ്കെടുക്കുവാൻ അനുവദിക്കുന്നതല്ല.

ക്വിസ് മത്സരങ്ങൾ പൊതുവിജ്ഞാനത്തെ ആസ്പദമാക്കിയുള്ളവയായിരിക്കും.

ക്വിസ് മത്സരങ്ങളുടെ മീഡിയം മലയാളമായിരിക്കും.

അഞ്ച് മേഖലകളിലായി, സ്‌കൂൾ തലത്തിൽ നിന്നും കോളേജ് തലത്തിൽ നിന്നും തെരഞ്ഞെടുക്കുന്ന 15 വീതം (ഓരോ മേഖലയിൽ നിന്നും ആദ്യ സ്ഥാനങ്ങളിൽ എത്തുന്ന 3 ടീമുകൾ വീതം) ടീമുകൾക്കുള്ള സെമിഫൈനൽ, ഫൈനൽ മത്സരങ്ങൾ യഥാക്രമം 2025 ജനുവരി 9, 10 തീയതികളിൽ നിയമസഭാ മന്ദിരത്തിൽ വച്ച് നടത്തുന്നതാണ്. സെമിഫൈനലിലേക്ക് തെരഞ്ഞെടുക്കപ്പെടുന്ന മത്സരാർത്ഥികൾ അതത് ദിവസം രാവിലെ 10 മണിക്ക് മുൻപ് നിയമസഭാ മന്ദിരത്തിൽ റിപ്പോർട്ട് ചെയ്യേണ്ടതാണ്.

ഓരോ വിഭാഗത്തിലും ഫൈനൽ മത്സരത്തിൽ ഒന്ന്, രണ്ട്, മൂന്ന് സ്ഥാനങ്ങൾ നേടുന്ന ടീമുകൾക്ക് ചുവടെ പറയും പ്രകാരം സമ്മാനങ്ങൾ നൽകുന്നതാണ് .

മത്സരാർത്ഥികൾ സ്‌കൂൾ/ കോളേജ് ഐ.ഡി കാർഡ് അല്ലെങ്കിൽ സ്‌കൂൾ/കോളേജ് അധികാരികൾ നൽകുന്ന സാക്ഷ്യപത്രം ഹാജരാക്കേണ്ടതാണ്.

നിയമസഭാ ജീവനക്കാരോ നിയമസഭാ ജീവനക്കാരുടെ കുടുംബാംഗങ്ങളോ ക്വിസ് മത്സരങ്ങളിൽ പങ്കെടുക്കുവാൻ പാടുള്ളതല്ല.

പൊതുജനങ്ങൾക്കായി 2025 ജനുവരി 11-ന് നിയമസഭാ മന്ദിരത്തിൽ വച്ച് എഴുത്തുപരീക്ഷ നടത്തുന്നതും ആയതിൽ ആദ്യ 6 സ്ഥാനങ്ങളിൽ എത്തുന്ന ടീമുകൾക്കായി ഫൈനൽ മത്സരം നടത്തുന്നതുമാണ് . മത്സരാർത്ഥികൾ അന്നേ ദിവസം രാവിലെ 10 മണിക്ക് മുൻപ് നിയമസഭാ മന്ദിരത്തിൽ റിപ്പോർട്ട് ചെയ്യേണ്ടതാണ്.

നടത്തിപ്പുമായി ബന്ധപ്പെട്ട കാര്യങ്ങളിൽ അന്തിമ തീരുമാനം നിയമസഭാ സെക്രട്ടേറിയറ്റിന്റേതായിരിക്കും.

അഞ്ച് മേഖലകളിലായി, സ്‌കൂൾ തലത്തിൽ നിന്നും കോളേജ് തലത്തിൽ നിന്നും തെരഞ്ഞെടുക്കുന്ന 15 വീതം (ഓരോ മേഖലയിൽ നിന്നും ആദ്യ സ്ഥാനങ്ങളിൽ എത്തുന്ന 3 ടീമുകൾ വീതം) ടീമുകൾക്കുള്ള സെമിഫൈനൽ, ഫൈനൽ മത്സരങ്ങൾ യഥാക്രമം 2025 ജനുവരി 9, 10 തീയതികളിൽ നിയമസഭാ മന്ദിരത്തിൽ വച്ച് നടത്തുന്നതാണ്.

സെമിഫൈനലിലേക്ക് തെരഞ്ഞെടുക്കപ്പെടുന്ന മത്സരാർത്ഥികൾ അന്നേ ദിവസം രാവിലെ 10 മണിക്ക്മുൻപ് നിയമസഭാ മന്ദിരത്തിൽ റിപ്പോർട്ട് ചെയ്യേണ്ടതാണ്.